Kəllə-beyin travması almış uşaqda sonradan problemlər yaranır
Uşaqlıqda hətta yüngül kəllə-beyin travması almış adamın gələcəkdə sağlamlığında problemlər yaranır. Beynəlxalq alimlər komandasının kəllə-beyin travması ilə bağlı apardığı tədqiqatın nəticəsi bunu göstərib.
Novator.az-ın məlumatına görə, tədqiqat zamanı alimlər İsveçdə 1973-1985-ci illər ərzində doğulan bir milyon insanı analiz ediblər. Məlum olub ki, bu adamların 9%-i 25 yaşına qədər müxtəlif kəllə-beyin travması alıb və onların əksəriyyəti orta ağır kəllə-beyin travmalıdır. Mütəxəssislər müəyyən ediblər ki, kəllə-beyin travması almış adamların sağlamlığında sonradan problemlər yaranır. Belə adamların çoxu əlillik pensiyası alır, psixi pozuntudan əziyyət çəkir, hətta orta məktəb təhsilini də başa vura bilmir.
Tədqiqat zamanı alimlər biri kəllə-beyin travması alan, digəri isə almayan bir neçə əkizi də analiz ediblər. Məlum olub ki, travma alan əkizlərin sağlamlığında onların travma almayan bacı-qardaşlarından daha çox problem var.
