İtaliya: zəlzələdə ölənlərin sayı artır
İtaliyada avqustun 24-nə keçən gecə baş vermiş zəlzələdə ölənlərin sayı 45-ə çatıb. Məlumatı İtaliyanın Milli Mülki Müdafiə Xidməti yayıb.
Zəlzələ 6 bal gücündə olub. Yeraltı təkanların episentri Akkumoli şəhəri yaxınlığına düşüb. Şəhərdə çoxlu bina dağılıb. İkinci yeraltı təkan yerli vaxtla 4:34-də Umbriya vilayətində baş verib. Latsio, Umbriya və Mark vilayətlərində daha çox dağıntıların olduğu bildirilir.
Milli Mülki Müdafiə Xidməti hazırda xeyli adamın itkin düşdüyünü və ölənlərin sayının artacağını proqnozlaşdırır.
