Rusiyanın hərbi gəmiləri Xəzərdə növbəti təlimə başlayıb
Rusiya Xəzər Donanmasının gəmiləri artilleriya atəşi üzrə irimiqyaslı təlim keçmək üçün Həştərxan və Mahaçqala limanlarından dənizə çıxarılıb. Novator.az-ın məlumatına görə, avqustun 15-də Rusiya Silahlı Qüvvələrinin Cənub Hərbi Dairəsinin mətbuat xidməti bəyan edib ki, təlimə Xəzər Donanmasının iki gəmi briqadası qatılıb. Onların sırasında “Tatarıstan” və “Dağıstan” raket gəmiləri, “Qrad Sviyajsk”, “Velikiy Ustyuq”, “Volqodonsk”, “Mahaçqala” kiçik raket və artilleriya gəmiləri var.
Dəniz manevrlərinə ümumilikdə 20 hərbi gəmi, digər gəmilər və qayıqlar cəlb olunub. Onların idarə heyətləri dəniz, sahil və hava hədəflərinə raket və artilleriya zərbələri endirəcək.
