Avropada adamlar ən çox hansı xəstəlikdən ölür?
Avropada hansı xəstəliklərin daha çox ölümə gətirdiyi istiqamətində aparılmış araşdırmanın nəticəsi açıqlanıb. Novator.az xəbər verir ki, araşdırmanın nəticəsi “European Heart Journal”da dərc edilib.
Araşdırmaya görə, Avropanın 12 ölkəsində ölümə gətirən xəstəliklər arşında onkoloji xəstəliklər birinci yeri tutur.
Növbəti “lider” ürək-damar xəstəlikləridir. Müalicə və profilaktikada əldə olunan uğurlar ürək-damar xəstəliklərinin sayını azaltsa da, Avropada hər il bu xəstəlikdən 4 milyon adam ölür.
Ürək-damar xəstəliyindən ölümlərin sayını azaltmağa nail olan ölkələr sırasında Belçika, Böyük Britaniya, Danimarka, İspaniya, İtaliya, Lüksemburq, Niderland, Portuqaliya, Sloveniya və Fransanın adları çəkilir.
Alimlər Avropa İttifaqının üzvü olmayan Norveç və İsrailin də ürək-qan-damar xəstəlikləri ilə mübarizədə uğurlar qazandığını bildirirlər.
