Mübarizəni 35 UEFA üzvünün təmsilçiləri davam etdirir
UEFA Çempionlar Liqasında və Avropa Liqasında üç mərhələyə yekun vurulub. Novator.az-ın məlumatına görə, üç təsnifat raundunda 54 UEFA üzvündən 19-nun bütün təmsilçiləri Avropa klub turnirlərindən ələnib.
2016/2017 mövsümündə Avropanın klub turnirlərinə 233 futbol komandası (78 klub Çempionlar Liqasına, 155 klub Avropa Liqasına) vəsiqə alıb. İndiyə qədər mövsüm Lixtenşteyn, Macarıstan, Moldova, İslandiya, Finlandiya, Bosniya, Latviya, Estoniya, Monteneqro, Ermənistan, Lüksemburq, Şimali İrlandiya, Litva, Malta, Uels, Farer adaları, Cəbəllütariq, Andorra, San Marino üçün bitib. Onlar Avropa kuboklarındakı bütün təmsilçilərini (Lixtenşteyn mövsümə 1 komanda çıxarmışdı) itiriblər.
Mövsümə 4 komanda ilə başlayan Azərbaycanın 2 klubu (“Qarabağ” və “Qəbələ”) mübarizəni dördüncü mərhələdə davam etdirir.
