54 UEFA üzvünün 14-ü təmsilçisiz qalıb
UEFA Çempionlar Liqasında və Avropa Liqasında iki mərhələ arxada qalıb. Novator.az saytı bildirir ki, iki təsnifat raundunda 54 UEFA üzvündən 14-nün bütün təmsilçiləri Avropa klub turnirlərinə vida edib.
2016/2017 mövsümündə Avropanın klub turnirlərinə 233 futbol komandası buraxılıb. 78 klub Çempionlar Liqasına, 155 klub Avropa Liqasına vəsiqə alıb. İyunun sonu, iyulun əvvəlində başlayan mövsüm Lixtenşteyn, Moldova, İslandiya, Bosniya, Monteneqro, Ermənistan, Lüksemburq, Şimali İrlandiya, Litva, Uels, Farer adaları, Cəbəllütariq, Andorra, San Marino üçün bitib. Onların bütün təmsilçiləri (Lixtenşteyn mövsümə 1 komanda çıxarmışdı) ələniblər.
Mövsümə 4 komanda ilə başlayan Azərbaycanın 2 klubu (“Qarabağ” və “Qəbələ”) mübarizəni davam etdirir.
