Türkiyənin baş naziri yeni rəqəmlər açıqlayıb
Türkiyədə iyulun 15-də baş vermiş dövlət çevrilişi cəhdi nəticəsində 208 nəfər şəhid olub. Onların 60-ı polis, 3-ü hərbçi, 145-i mülki şəxsdir. Transparency.az-ın məlumatına görə, baş nazir Binəli Yıldırım iyulun 18-də Türkiyə Nazirlər Kabinetinin iclasından sonra keçirdiyi brifinqdə belə deyib.
Baş nazir bildirib ki, 1491 nəfər yaralanıb.
Binəli Yıldırım 24 qiyamçının öldüyünü, 50-nin yaralandığını qeyd edib. Onun sözlərinə görə, 7 min 271 qiyamçının işi araşdırılır, 316 nəfər isə həbs olunub.
Baş nazir 2 min 735 hakim və prokurorun səlahiyyətinin dondurulduğunu, Daxili İşlər Nazirliyinin 7 min 877 personalının sərəncama götürüldüyünü açıqlayıb.
“Anadolu” agentliyi indiyədək 103 general və admiralın həbs olunduğu barədə məlumat yayıb.
