Moskvada “Quran”ı yandıranlara cəza verildi
Rusiya paytaxtı Moskvada “Quran”ı yandırmış 12 neonasistə hökm oxunub. Novator.az xəbər verir ki, hökm iyulun 18-də Moskvanın Şerbinski Rayon Məhkəməsində elan edilib.
2013-cü ilin dekabrında Moskva metrosunda bir qrup gənc neonasist konstitusiya prinsiplərini pozaraq “Quran”ı yandırıb. Bundan başqa onlar metroda qeyri-rus millətindən olan sərnişindən islam dinindən imtina etməyi tələb ediblər.
Şerbinski Rayon Məhkəməsinin çıxardığı qərarla qruplaşmanın lideri, Tver vilayətinin sakini Aleksandr Sokolov 10 il müddətinə azadlıqdan məhrum olunub. Məhkəmə neonasist qrupun qalan üzvlərinin əksəriyyətini cəzalarını islah koloniyasında çəkmələri şərtiylə 4-5 il müddətinə azadlıqdan məhrum edib. Məhkəmə onların çoxunun cinayət baş verən zaman həddi-buluğa çatmadığını nəzərə alıb.
