Almatıda ən yüksək həddə terror təhlükəsi elan olunub
İyulun 18-i səhər Qazaxıstanın Almatı şəhərində bir qrup naməlum silahlı şəxs şəhərin mərkəzi rayonlarından birinin polis idarəsinə və Milli Təhlükəsizlik Komitəsinin departamentinə hücum çəkib. Novator.az-ın məlumatına görə, hücum zamanı 3 polis, bir mülki şəxs həlak olub, bir neçə polis yaralanıb.
Həlak olan mülki şəxsin hücuma məruz qalan avtomobilin sürücüsü olduğu bildirilir.
Almatının hüquq mühafizə orqanları cinayətkardan birinin həbs edildiyini, ikincisinin isə axtarışa verildiyini bəyan edib.
Ölkədə ən yüksək həddə terror təhlükəsi elan olunub, Almatıda antiterror əməliyyatlarına başlanıb. Qazaxıstan ordusu gücləndirilmiş iş rejiminə keçib.
Almatı Qazaxıstanın ən böyük şəhəridir, 1997-ci ilədək ölkənin paytaxtı olub.
