Yolda qırılan qaçqınlar
2016-cı ilin birinci yarısında dünyada 3 min 600-dən çox qaçqın həlak olub. Novator.az-ın məlumatına görə, Beynəlxalq Miqrasiya Təşkilatının baş direktoru Uilyam Svinq iyulun 14-də belə açıqlama verib.
Uilyam Svinq bildirib ki, 2015-ci ildə Avropaya keçərkən yolda ölən miqrantların sayı 2016-cı ilin 6 ayı ilə müqayisədə 18% az olub.
Təşkilat rəhbərinin sözlərinə görə, qaçqınların çoxu Aralıq dənizi vasitəsilə Afrikadan İtaliyaya keçəndə ya suda batıb, ya da itkin düşüb: bu ərazidə ölənlərin sayı 6 ayda 2500 nəfərə çatıb.
BMT-nin hesabatına görə, 2 ildə Aralıq dənizində 10 min miqrant batıb. 2016-cı ilin əvvəlindən Avropaya dəniz yolu ilə 150 min qaçqın gəlib.
