İran neft bazarının 80%-ni özünə qaytarıb
İran 2012-ci ildə sanksiyaların tətbiqindən sonra itirdiyi neft bazarının 80%-ni özünə qaytarıb. Novator.az-ın məlumatına görə, İran Milli Neft Şirkətinin beynəlxalq əlaqələr direktoru Mohsün Qəmsəri iyulun 11-də “Bloomberg” agentliyinə belə açıqlama verib.
Hazırda İran sutkada 3,8 milyon barrel neft çıxarır və gündə 2 milyon barrel ixrac edir. Qəmsəri bildirib ki, yaxın perspektivdə İranın gündəlik neft ixracı 4 milyon barreli keçə bilər.
Plana görə, 2021-ci ildə İran gündəlik neft və kondensat hasilatını 5,8 milyon barrelə çatdırmaq niyyətindədir. 2016-cı ilin əvvəlindən İranda karbohidratların istehsalı 25% artıb.
İran 2016-cı ilin yanvarında beynəlxalq sanksiyaların çoxundan azad olub.
