Azərbaycanda cinayət törədənlərin yaş həddi
Azərbaycanda cinayət törədənlər daha çox yaşı 30 və ondan yuxarı olan şəxslərdir. Dövlət Statistika Komitəsindən Trend-ə verilən məlumata görə, ümumilikdə ötən il cinayət törətdiyi aşkar edilmiş şəxslərin sayı 16 min 322 nəfər olub. Cinayət törədənlərin 15 min 194-ü kişi, 1128-i qadın olub.
Cinayət törətdiyi aşkar edilmiş şəxslərin 115 nəfəri 14-15, 362 nəfəri 16-17, 2968 nəfəri 18-24, 2958 nəfəri 25-29 yaşlı, 9919 nəfəri isə 30 yaş və yuxarı olanlardır.
Əvvəlki 5 ilin göstəricilərində də cinayətləri daha çox yaşı 30 və yuxarı yaşqa olanların törətdiyi bildirilir.
2010-cu ildə ümumilikdə cinayət törətdiyi aşkarlanmış 18 min 689 şəxsin 11 min 613 nəfəri, 2011-ci ildə 18 min 612 şəxsin 11 min 261 nəfəri, 2012-ci ildə 17 min 30 şəxsin 10 min 49 nəfəri, 2013-cü ildə 14 min 841 şəxsin 8 min 540 nəfəri, 2014-cü ildə isə 15 min 560 şəxsin 9 min 119 nəfəri 30 yaş və daha yuxarı yaşda olub.
