Nikah azalıb, boşanma artıb
Azərbaycanda nikaha daxil olanların sayı azalıb. Trend-in statistik məlumatlara istinadən verdiyi məlumatlara əsasən, ötən il Azərbaycanda 68 min 773 nikah qeydə alınıb. Bu, son 6 ildə nikaha daxil olanların sayında qeydə alınan ən aşağı göstəricidir.
2010-cu ildə Azərbaycanda 79 min 172; 2011-ci ildə 88 min 145; 2012-ci ildə 79 min 65; 2013-cü ildə 86 min 852; 2014-cü ildə 84 min 912; 2015-ci ildə isə 68 min 773 nikah qeydə alınıb.
2015-ci ildə Azərbaycanda əhalinin hər 1000 nəfərinə düşən nikahların sayı da son 6 ildəki ən aşağı göstəricisidir.
2010-cu ildə Azərbaycanda əhalinin hər 1000 nəfərinə 8,9 nikah düşdüyü halda, 2015-ci ildə bu rəqəm 7,2 olub.
Azərbaycandakı boşanmaların sayında isə nisbətən artım baş verib. 2010-cu ildə Azərbaycanda 9 min 61; 2011-ci ildə 10 min 747; 2012-ci ildə 11 min 87; 2013-cü ildə 11 min 730; 2014-cü ildə 12 min 88; 2015-ci ildə 12 min 764 boşanma olub. Boşanmaların sayında artımın baş verməsinə baxmayaraq, əhalinin hər 1000 nəfərinə düşən nikahların sayına görə olan göstərici əvvəlki illərdə olduğu kimi, yəni 1,3 qalıb.
