6 ayda Rusiya 4,6 milyard dollarlıq silah satıb
Bu ilin 6 ayında Rusiya xarici ölkələrə 4,6 milyard dollarlıq silah və hərbi texnika satıb. Bunu Rusiya prezidenti Vladimir Putin iyulun 8-də hərbi-texniki əməkdaşlıq məsələləri üzrə komissiyanın iclasında deyib.
Novator.az-ın məlumatına görə, Putin bildirib ki, 2016-cı il üçün Rusiyaya verilmiş silah və hərbi texnika sifarişi ümumilikdə 50 milyard dolları keçir.
Putin deyib ki, Rusiyada istehsal olunan silah və hərbi texnika öz effektini, etibarlılığını ən müxtəlif şəraitlərdə sübuta yetirib. Dövlət başçısı vurğulayıb ki, Rusiya Avropa, Asiya, Afrika, Yaxın Şərq və Latın Amerikası ölkələrinin silahlanmasında iştirak edir.
