Sankt-Peterburq: azərbaycanlının qətlinə görə tutulan da azərbaycanlıdır
İyunun 22-də Rusiyanın Sankt-Peterburq şəhərinin Oktyabr Rayon Məhkəməsi Sofiya meyvə-tərəvəz bazarında öldürülmüş 43 yaşlı azərbaycanlı Maarif İsmayılovun qətlində şübhəli bilinən şəxsin həbsinə sanksiya verib.
Maarif İsmayılov Sofiya bazarında iyunun 20-də odlu silahla öldürülüb.
Novator.az xəbər verir ki, qətlə görə tutulan da azərbaycanlıdır: Emil Elçin oğlu Hüseynov.
Oktyabr Rayon Məhkəməsinin qərarı ilə 27 yaşlı Emil Hüseynov barəsində 2 aylıq həbs qətimkan tədbiri seçilib.
Məhkəmənin mətbuat xidməti Emil Hüseynova qarşı başlanan cinayət işinin Rusiyanın Sankt-Peterburq üzrə İstintaq Komitəsinə verildiyini bildirib.
