Obama: “İş axtarmalı olacam və bundan xoşbəxtəm”
Gələn ilin əvvəlində səlahiyyətlərini təhvil verəcək ABŞ Prezidenti Barak Obama deyib: “Təxminən yeddi ay sonra iş axtarmalı olacağam və bundan dolayı xoşbəxtəm. Linkedin hesabı açacağam və qarşıma nələr çıxacağına baxacağam”.
AZƏRTAC Anadolu Agentliyinə istinadla məlumat verir ki, Obama bu fikirləri ABŞ-da investisiya imkanlarının tanıdılması məqsədilə paytaxt Vaşinqtonda keçirilən “Selectusa İnvestisiya” sammitində səsləndirib.
O, sammitdə investorlara müraciət edib. ABŞ-ın investisiya üçün dünyadakı ən etibarlı və güclü ölkə olduğunu müdafiə edən Obama ölkədə məşğulluğun 75 aydır artaraq rekord qırdığını, Trans-Sakit Tərəfdaşlığı kimi böyük ticarət müqavilələrinin yaxında dövrəyə girəcəyini və lisey buraxılış nisbətinin tarixin ən yüksək səviyyəsinə çatdığını deyib.
