Sankt-Peterburqda Azərbaycan vətəndaşı qətlə yetirilib
İyunun 20-də Rusiyanın Sankt-Peterburq şəhərində Sofiya meyvə-tərəvəz bazarında kütləvi dava düşüb.
Novator.az xəbər verir ki, Sankt-Peterburqun yerli mediası günorta saatlarında 100-200 nəfər arasında baş vermiş davada bir Azərbaycan vətəndaşının həlak olduğunu yazıb.
Azərbaycan vətəndaşının borc üstündə öldürüldüyü bildirilir. Məlumata görə, hüquq mühafizə orqanları atəş açan adamı yaxalayıb.
