Azərbaycanla Türkiyənin birgə təlimləri başlayıb
Müdafiə Nazirliyinin mətbuat xidməti xəbər verir ki, Azərbaycanla Türkiyə arasında ikitərəfli hərbi əməkdaşlıq planına əsasən iyunun 20-dən “İŞIK-2016” təlimləri başlayıb.
Bu, beynəlxalq axtarış-xilasetmə təlimləridir.
Azərbaycan Hərbi Hava Qüvvələrinin 3 ədəd Mi-17 döyüş-nəqliyyat və 3 ədəd Mi-35 döyüş helikopteri müştərək təlimlərdə iştirak etmək məqsədilə Türkiyənin Konya şəhərindəki aviabazaya yola düşüb.
Təlimlər iyunun 30-dək davam edəcək.
