İsveçdə ödənişlərin yalnız iki faizi nağd aparılır
İsveç Mərkəzi Bankının yeni hesabatına görə, ölkədə bütün ödənişlərin yalnız iki faizi nağd əsginaz və sikkələrdən istifadə edilməklə aparılır. Hesablaşmaların əksəriyyəti elektron vasitələrlə: xüsusi ödəniş proqramları, onlayn köçürmələr və plastik kartlar vasitəsilə həyata keçirilir.
AZƏRTAC-ın məlumatına əsasən, İsveçdə hər bir vətəndaş il ərzində orta hesabla 207 ödənişi plastik kartlarla icra edir. Krallıq əhli bu göstərici üzrə digər Avropa ölkələrinin vətəndaşlarını üç dəfə qabaqlayır.
