“Qanun”da axtarış
İyunun 11-də Bakı Şəhər Baş Polis İdarəsinin 15 nəfərdən çox əməkdaşı “Qanun” Nəşrlər Evinin binasını əhatəyə alıb. Bildirilib ki, buraya bomba qoyulduğu haqda məlumat daxil olub.
Ofisdə axtarış iyunun 12-də davam etdirilib. Həmin gün axtarışda nəşriyyatın direktoru Şahbaz Xuduoğlu və nəşriyyatın bir neçə işçisi də iştirak edib.
Axtarış başa çatandan sonra jurnalistlər polislərin binanın digər qapısından avtomobilə əşyalar yüklədiyini görüblər. Həmin materialların əksəriyyətinin A2 ölçülü çap materialları olduğu diqqət çəkib.
Şahbaz Xuduoğlu axtarışdan sonra jurnalistlərə deyib: “Təhqiqatla bağlı onlara şübhəli görünən bəzi materialları götürdülər. Bunlar içərisində qəliblər, yarımfabrikat materiallar var”.
Sabir Rüstəmxanlının və Şahbaz Xuduoğlunun digər qardaşı hüquq müdafiəçisi Əlövsət Əliyev hazırda xaricdə mühacirətdədir.
