İlham Mirzəyev azadlığa buraxılıb
Dələduzluqda təqsirləndirilərək həbs olunan tanınmış aparıcı İlham Mirzəyev azadlığa buraxılıb.
Trend-in məlumatına görə, İ.Mirzəyev saxlanıldığı Ədliyyə Nazirliyi Penitensiar Xidmətin müalicə müəssisəsindən evinə buraxılıb.
İ.Mirzəyev 2014-cü il aprelin 11-də dələduzluq ittihamı ilə həbs olunmuşdu. İttihama əsasən, aparıcı direktoru olduğu “İlhamed” tibb mərkəzində Aynur Əhmədova adlı vətəndaşa cadugərlik yolu ilə yalan vədlər verərək, onun 3000 avro pulunu mənimsəyib. Lakin İ.Mirzəyev ittihamı rədd edir və deyilənlərin yalan olduğunu bildirir.
Nərimanov Rayon Məhkəməsi İ.Mirzəyevin 4 il 6 ay müddətinə azadlıqdan məhrum edilməsi barədə hökm çıxarmış, Bakı Apellyasiya Məhkəməsi cəza müddətini 3 il 6 aya endirmişdi.
