BMT: abort qadağası qadınlara qarşı diskriminasiya yaradır
“İrlandiyada abortun qadağan olunması qadınlara qarşı diskriminasiya yaradır və insan ləyaqətini alçaldır”. Novator.az xəbər verir ki, BMT-nin iyunun 9-da yaydığı məruzədə belə deyilir.
Təşkilat məruzənin 29-cu səhifəsində İrlandiyanı abort təcrübəsini qanuniləşdirməyə və hamiləliyin dayandırılması üçün müasir proseduraları təmin etməyə çağırır.
Sənəddə nümunə kimi Amanda Millet ilə bağlı hadisə nümunə gətirilir. Həkimlər hamilə qadının dölündəki uşağa kəskin ürək çatışmazlığı diaqnozu qoyur və uşağın ölü doğulacağını bildirirlər. Buna baxmayaraq Amanda Milletə abort etməyə icazə verilməyib. Çünki İrlandiyada yalnız qadının həyatı təhlükədə olduqda aborta icazə verilir.
İrlandiya qanunlarına görə, qadın hamiləliyini ya sona çatdırmalı, ya da xaricidə abort etməlidir.
Amanda Millet hadisəsi 2011-ci ildə olub.
