Türkiyədə yeni partlayış
İyunun 8-də Türkiyənin Mardin şəhərində terror aktı törədilib.
Novator.az xəbər verir ki, şəhərin polis idarəsinin binası qarşısında minalanmış avtomobil partladılıb.
İlkin məlumata görə, çoxlu yaralı var. Polis idarəsinin binası zədələnib.
Haberturk.com-un məlumatına görə, Türkiyənin baş naziri Binəli Yıldırım partlayışda bir polis əməkdaşının, iki mülki şəxsin həlak olduğunu, 30-dan çox adamın yaralandığını açıqlayıb.
İyunun 7-də Türkiyənin İstanbul şəhərinin mərkəzində oxşar partlayış törədilib. Partlayış xüsusi təyinatlı polis maşını Bəyazit rayonunun Veznecilər dayanacağı yaxınlığından keçəndə baş verib. Bu terror da minalanmış avtomobillə törədilib. Həmin avtomobili terrorçular dayanacaqda saxlayıbmışlar. Nəticədə 11 nəfər həlak olub, 36 nəfər yaralanıb. Ölənlərin 7-si polis əməkdaşı, 4-ü mülki şəxsdir.
