İstanbulun mərkəzində partlayış: 11 ölü, 36 yaralı
İyunun 7-si səhər Türkiyənin İstanbul şəhərinin mərkəzində partlayış törədilib.
Partlayış xüsusi təyinatlı polis maşını Bəyazit rayonunun Veznecilər dayanacağı yaxınlığından keçəndə baş verib.
Novator.az-ın məlumatına görə, şəhər qubernatoru Vasip Şahin deyib ki, partlayış minalanmış avtomobillə törədilib. Həmin avtomobili terrorçular dayanacaqda saxlayıbmışlar.
11 nəfər həlak olub, 36 nəfər yaralanıb. Ölənlərin 7-si polis əməkdaşı, 4-ü mülki şəxsdir. Yaralıların 3-nün vəziyyəti ağırdır.
