İstanbulda həlak olanlardan birinin azərbaycanlı olduğu haqda məlumat yayılıb
İstanbuldakı partlayışda həlak olanlardan birinin azərbaycanlı olduğu bildirilir.
Məlumatı Trend agentliyi “TRT Haber”ə istinadla yayıb.
Azərbaycanın Türkiyədəki səfirliyindən Trend-ə verilən məlumata görə, azərbaycanlı olduğu deyilən mərhumun şəxsiyyəti müəyyənləşdirilir.
İyunun 7-si səhər Türkiyənin İstanbul şəhərinin mərkəzində partlayış törədilib. Partlayış xüsusi təyinatlı polis maşını Bəyazit rayonunun Veznecilər dayanacağı yaxınlığından keçəndə baş verib. 11 nəfər həlak olub, 36 nəfər yaralanıb. Ölənlərin 7-si polis əməkdaşı, 4-ü mülki şəxsdir. Yaralıların 3-nün vəziyyəti ağırdır.
Türkiyənin xarici işlər naziri Mövlud Çavuşoğlu jurnalistlərə açıqlamasında İstanbulda baş verən partlayışın terror hadisəsi olduğunu bildirib.
