Saatlıda işgüzar forum
İqtisadiyyat Nazirliyinin Sahibkarlığa Kömək Milli Fondu Saatlıda işgüzar forum keçirib.
AZƏRTAC xəbər verir ki, 100-ə yaxın sahibkarın iştirak etdiyi forumda təsərrüfatların, müəssisələrin yaradılması üzrə nümunəvi investisiya layihələrinin təqdimatı keçirilib.
Forumda Saatlı və ətraf rayonlardan olan 86 sahibkara 620 min manat güzəştli kredit verilib. Kreditlər əsasən pambıqçılıq, heyvandarlıq, quşçuluq və digər sahələrin inkişafına yönəldilməklə 90 yeni iş yerinin açılmasına imkan yaradacaq.
Tədbirdə bildirilib ki, bu ilin ötən dövrü ərzində 1040-a yaxın sahibkara 56,8 milyon manat güzəştli kredit ayrılıb, bununla 2200-dən çox yeni iş yerinin yaradılmasına imkan yaradılıb. Ümumilikdə indiyədək Aran iqtisadi rayonunda fəaliyyət göstərən sahibkarlıq subyektlərinin 12 min 300-ə yaxın investisiya layihəsinin maliyyələşdirilməsinə 482 milyon manat güzəştli kredit verilib.
