Putin minimum əməkhaqqının artırılması haqda qanunu imzaladı
Novator.az xəbər verir ki, iyunun 2-də Rusiya prezidenti Vladimir Putin ölkədə minimum əməkhaqqının 21% artırılmasını nəzərdə tutan qanunu imzalayıb.
Hazırda Rusiyada minimum əməkhaqqı 6204 rubldur (təqribən 140 manat).
Yeni qanunla bu rəqəm 7 min 500 rubl (təqribən 170 manat) olacaq.
Qanunu mayın 25-də Rusiya Federasiya Şurası qəbul edib. Federasiya Şurasının sədr müavini Qalına Karelova həmin vaxt jurnalistlərə bildirmişdi ki, minimum əməkhaqqının artımı 1 milyon nəfərədək işçiyə şamil olunacaq. Onların 87%-i dövlət və bələdiyyə sektorunda, 13%-i özəl sektorda çalışır.
