Rusiyanın hərbi gəmiləri Xəzərdə təlimə başlayır
İyunun 1-də Rusiyanın “Volqodonsk” kiçik artilleriya gəmisi və Rusiyanın Xəzər Donanmasının əlavə təminat gəmisi Mahaçqala limanından Xəzər dənizinə çıxıb.
Novator.az-ın məlumatına görə, Rusiya Cənub Hərbi Dairəsinin mətbuat xidməti bəyan edib ki, məqsəd bu ölkənin dənizdə iqtisadi fəaliyyətinin təhlükəsizliyinin təminatı üzrə tapşırıqları yerinə yetirmək və döyüş atəşləri həyata keçirməkdir.
Mətbuat xidmətinin açıqlamasında Mahaçqala limanından Xəzərə çıxan gəmilərin bu ilin avqustunda keçiriləcək “Dəniz kuboku” Beynəlxalq Ordu Oyunları müsabiqəsinə hazırlıq çərçivəsində təlim keçəcəyi də bildirilir.
Gəmilərin heyət üzvləri Xəzərdə ümumilikdə 1500 mil məsafə qət edəcəklər.
