Avropa İttifaqı ölkələrində terrordan neçə adam ölüb?
2015-ci ildə Avropa İttifaqı ölkələrində törədilmiş terror aktlarında 150-dən çox adam həlak olub, 360-dan çox adam yaralanıb. Avropolun (Avropa İttifaqı Polis Xidməti) nəzdindəki Antiterror Mərkəzinin direktoru Manuel Panyaqua mayın 24-də belə açıqlama verib.
Novator.az-ın məlumatına görə, Manuel Panyaqua Avropa Parlamentinin vətəndaş azadlığı komitəsinin üzvləri ilə görüşündə bildirib ki, terrorçular 2015-ci ildə Avropa İttifaqında ümumilikdə 211 hücum hazırlayıblar, bunların bir çoxu baş tutmayıb.
Manuel Panyaqua deyib ki, baş tutan terror aktları arasında ən qanlı 17 terroru müsəlman cihadçılar törədib. Həmin terrorların hazırlanması və həyata keçirilməsində şübhəli bilinən 667 nəfər həbs edilib.
