“Sevilya”nın 5-ci titulu
Mayın 18-i Bazeldə (İsveçrə) UEFA Avropa Liqasının finalı keçirilib. İspaniyanın “Sevilya” və İngiltərənin “Liverpul” komandalarının üz-üzə gəldiyi finalda birincilər üstün gəlib. Rəqibini 3:1 hesabı ilə yenən “Sevilya” dalbadal 3-cü dəfə Avropa Liqasının qalibi olub.
Novator.az bildirir ki, İspaniya təmsilçisi əvvəllər UEFA kuboku adlanmış bu turnirdə ümumilikdə 5 dəfə zirvə fəth edib.
“Liverpul”un, eləcə də İtaliyanın “Yuventus” və “İnter” komandalarının Avropa Liqası 3 titulu var.
“Borussiya” (Mönhenqladbah, Almaniya), “Tottenhem” (İngiltərə), “Real” (Madrid, İspaniya), “Höteborq” (İsveç), “Parma” (İtaliya), “Feyenoord” (Hollandiya), “Portu” (Portuqaliya), “Atletiko” (İspaniya) turnirdə 2 yol qalib olublar.
Daha 15 komanda Avropa Liqasının (UEFA kubokunun) finalından 1 dəfə qələbə ilə ayrılıb.
