Azərbaycan, Türkiyə və Gürcüstanın müdafiə nazirləri Qəbələdə görüşəcək
Müdafiə naziri general-polkovnik Zakir Həsənovun rəsmi dəvəti ilə mayın 14-də Gürcüstanın müdafiə naziri Tinatin Xidaşeli və Türkiyənin milli müdafiə naziri İsmət Yılmazın Azərbaycana rəsmi səfəri planlaşdırılır.
Müdafiə Nazirliyinin mətbuat xidməti xəbər verir ki, səfər çərçivəsində Qəbələ şəhərində nazirlər arasında təkbətək və üçtərəfli formatda danışıqlar nəzərdə tutulub.
Müdafiə nazirlərinin Qəbələyə səfəri mayın 15-dək davam edəcək.
