![]({"full":{"0":"2016\/01\/Ilham-Aliyev3.jpg","1":600,"2":450,"3":false,"file":"https:\/\/novator.az\/wp-content\/uploads\/2016\/01\/Ilham-Aliyev3.jpg"}})
Mayın 12-də prezident İlham Əliyev özəl teleradio yayımçılarına yardım göstərilməsi haqqında sərəncam imzalayıb.
Sərəncama əsasən, özəl teleradio yayımçılarına birdəfəlik maliyyə yardımı göstərilməsi üçün Milli Televiziya və Radio Şurasına 2 milyon manat ayrılıb.
Sərəncamda deyilir ki, bu vəsait cəmiyyətin informasiya ehtiyacının ödənilməsi, əhalinin maarifləndirilməsi, ölkədə və beynəlxalq aləmdə Azərbaycan xalqının mədəni irsinin təbliği işində fəal iştirak edən özəl teleradio yayımçılarının maddi-texniki bazasını gücləndirmək məqsədilə ayrılır.