![]({"large":{"file":"https:\/\/novator.az\/wp-content\/uploads\/2016\/05\/Hindistan-1024x768.jpg","width":1024},"full":{"0":"2016\/05\/Hindistan.jpg","1":1024,"2":768,"3":false,"file":"https:\/\/novator.az\/wp-content\/uploads\/2016\/05\/Hindistan.jpg"}})
Meqapolis sakinlərinin 80%-i çirkli hava ilə nəfəs alır
Mayın 12-də Dünya Səhiyyə Təşkilatı hesabat yayıb. Novator.az-ın məlumatına görə, hesabatda bildirilir ki, üçüncü dünya ölkələri şəhərlərinin 98%-də hava Dünya Səhiyyə Təşkilatının təmizlik standartına cavab vermir, meqapolis sakinlərinin isə 80%-i çirkli hava ilə nəfəs alır.
Dünya Səhiyyə Təşkilatının İctimai Sağlamlıq Departamentinin rəhbəri Mariya Neyra bildirib ki, şəhərlərdə havanın çırklənməsi sürətlə artır və bu, insan sağlamlığına böyük zərər vurur.
Dünya Səhiyyə Təşkilatının mütəxəssisləri 67 ölkənin 795 şəhərində atmosferin vəziyyətini araşdırıblar. Ekspertlər havada çoxlu sayda qurum, toz və azot, kükürd turşusuna bənzər müxtəlif çirkli molekullar aşkarlayıblar.
Təşkilatın hesabatında bildirilir ki, ən çirkli havası olan şəhərlər əsasən Afrika, Yaxın Şərq və Cənubi Asiyadadır. Ən çirkli havası olan şəhərlər Nigeriyada (Onişta və Aba), Pakistanda (Peşəvər və Ravalpindi), Səudiyyə Ərəbistanında (Ər-Riyad və Əl-Cübeyl) və Hindistanda (Allahabad, Raypur və Qvaylor) qeydə alınıb.
Ən təmiz havası olan şəhərlər isə ABŞ-ın dağ ştatlarında yerləşən yaşayış məntəqələrində və Finlandiya, Kanada, İspaniyanın bir sıra şəhərlərində müşahidə olunub.