Çexiya hökuməti atalıq məzuniyyətini qəbul etdi
Mayın 11-də Çexiya hökuməti ataya yeni doğulmuş uşağa görə bir həftəlik ödənişli məzuniyyət verilməsini nəzərdə tutan qanun layihəsini qəbul edib. Novator.az-ın məlumatına görə, Çexiyanın baş naziri Boquslav Sobotka özünün “Twitter” səhifəsində ailənin uşağa dəstək olmasının vacibliyini qeyd edib: “Atalıq məzuniyyətini qəbul etdik. Bu, ataya bir həftə ərzində yeni doğulmuş uşaqla qalmağa imkan vərəcək”.
Bir həftəlik məzuniyyət dövründə atanın əməkhaqqısının 70%-i saxlanmış olacaq. Qanun layihəsini parlament və prezident də təsdiqləməlidir.
Çexiyanın əmək və sosial məsələlər naziri Mixaela Marksova atalıq məzuniyyətinin ölkə büdcəsinə 630-800 milyon krona (26-33 milyon ABŞ dolları) başa gələcəyini deyib.
