Şimali Koreyada yeni qadağalar
Şimali Koreyada pirsinq edilməsinə (bədəndə deşik açıb, ora bəzək və ya zinət əşyaları taxmaq), cins şalvar geyməyə və digər Qərb geyimlərinə qadağa qoyulub. Novator.az xəbər verir ki, qərar Koreya Əmək Partiyasının bu ilin martında keçiriləcək 7-ci qurultayı ərəfəsində qəbul olunub.
Zahiri görkəmlə bağlı kəskin tələblər ilk növbədə Çinlə həmsərhəd olan Şimali Xamqen və Yanqando əyalətlərinin sakinlərinə aiddir.
Şimali Koreya sakinlərinin geyim tərzinə ölkə lideri Kim Çın Una loyal mövqedə dayanan bir qrup cavan nəzarət edəcək. Onlar ətəyin uzunluğuna, ayaqqabının formasına, həmçinin saç düzümünə fikir verəcəklər. Geyim və görkəmlə bağlı qadağalar ölkədə gənclərin Qərb mədəniyyətinə meyllənməsinin qarşısını almaq üçün tətbiq edilir.
