Putin: “Qarabağ problemi “ziyan vurmamalı” prinsipi üzrə yanaşma tələb edir”
Aprelin 14-də Rusiya prezidenti Vladimir Putin birbaşa efirdə ölkə vətəndaşlarının suallarına cavab verib. O, Qarabağ münaqişəsinin həlli barədə sualın cavabında bildirib ki, Dağlıq Qarabağ problemi həkimlərin “ziyan vurmamalı” prinsipi üzrə yanaşma tələb edir, bu problem yalnız siyasi vasitələrlə kompromisə nail olmaq yolu ilə həll edilməlidir. Putin deyib: “Biz münaqişəni tənzimləmək, tərəflərin hər ikisi üçün məqbul həll tapmaq üçün nə mümkündürsə edəcəyik, Qarabağ məsələsinin uzunmüddətli həlli lazımdır və əlbəttə ki, bu həll yalnız siyasi vasitələrlə tapıla bilər, kompromis tapılmalıdır”.
Rusiya prezidenti vurğulayıb ki, Rusiya bu münaqişənin həllində son dərəcə maraqlıdır. Rusiya dövlətinin başçısı vurğulayıb: “Kim nə deyir desin, Rusiya bu problemin həllində maraqlıdır, çünki biz həm Azərbaycanla, həm də Ermənistanla tamdəyərli iş aparmaq istəyirik”.
Putin bildirib ki, Rusiya bu işə gücü çatan dərəcədə töhfə verəcək: “Lakin aydın məsələdir ki, son qərarı Ermənistan xalqı və Azərbaycan xalqı qəbul etməlidir”.
