Azərbaycanın bir qrup sülhməramlısı Əfqanıstana yola düşüb
Azərbaycan Silahlı Qüvvələrinin 38 əsgəri, 2 hərbi həkimi və 2 mühəndis-istehkam ixtisası üzrə zabiti rotasiya qaydasında Əfqanıstan İslam Respublikasına yola salınıb.
Müdafiə Nazirliyinin mətbuat xidməti bildirir ki, Azərbaycan Silahlı Qüvvələrinin 42 nəfərdən ibarət həmin qrupu NATO-nun 2015-ci ilin yanvar ayından Əfqanıstanda həyata keçirdiyi yeni “Qətiyyətli Dəstək” qeyri-döyüş missiyasının tərkibində fəaliyyət göstərəcək.
Azərbaycan Silahlı Qüvvələrinin Əfqanıstandakı sülhməramlı missiyası 2002-ci ilin noyabr ayının 20-dən başlayıb.
Hazırda Azərbaycan Silahlı Qüvvələrinin 90 nəfərdən ibarət hərbi qulluqçusu, 2 hərbi həkimi və 2 mühəndis-istehkam ixtisası üzrə zabiti Əfqanıstandakı missiyada iştirak edir.
