Xarici valyutaların kursu qalxıb. Ucuzlaşan da var
Azərbaycan manatı aprelin 7-də dollar qarşısında bir qədər ucuzlaşıb. Mərkəzi Bank 1 ABŞ dollarının rəsmi kursunu 1,5165 manatdan 1,5193 manata qaldırıb.
Transparency.az-ın məlumatına görə, avro da bahalaşıb. 1 avronun rəsmi məzənnəsi ötən gün 1,7246 manat olub, aprelin 7-də isə Mərkəzi Bank kursu 1,7328 manat müəyyən edib.
Rublun da kursu yuxarı qalxıb. 1 Rusiya rublu 0,0225 manata satılır. Ötən gün kurs 0,0221 manat idi.
Aprelin 7-də bir neçə valyutanın, o cümlədən türk lirəsinin rəsmi məzənnəsi aşağı düşüb. 1 türk lirəsi 0,5354 manata təklif edilir.
1 ingilis funt sterlinqi də ucuzlaşaraq 2,1453 manat olub.
