![]({"full":{"0":"2016\/01\/Ekologiya-Nazirliyi.jpg","1":960,"2":519,"3":false,"file":"https:\/\/novator.az\/wp-content\/uploads\/2016\/01\/Ekologiya-Nazirliyi.jpg"}})
Ekologiya və Təbii Sərvətlər Nazirliyi ekoloji qanunvericiliyin tələblərinə riayət olunmasını yoxlamaq məqsədilə araşdırma aparıb. Rəsmi məlumata əsasən, araşdırma zamanı hüquqi və fiziki şəxslərin atmosfer havasının, su və torpaq ehtiyatlarının, yerin təkinin, fauna və floranın mühafizəsi, o cümlədən ətraf mühitə qanunsuz məişət və istehsalat tullantılarının yerləşdirilməsi sahəsində yol verdiyi qanun pozuntularına görə 92 akt və protokol tərtib olunub, nöqsanların aradan qaldırılması üçün 15 müddətli məcburi göstəriş verilib.
Martın ikinci yarısı üzrə aparılan araşdırmada ümumilikdə 34 iş üzrə inzibati qaydada 35720 manat cərimə tətbiq edilib. Ətraf mühitə dəymiş ziyana görə 11 iş üzrə 21139,81 manat məbləğində iddia qaldırılıb, ətraf mühitə tullantıların atılmasına və axıdılmasına görə hüquqi və fiziki şəxslərə qarşı 153 iş üzrə 72237,37 manat məbləğində ödəmə tətbiq edilib.
Tədbir görülməsi üçün hüquq mühafizə orqanlarına 7, icra qurumlarına 12, məhkəmələrə isə 2 iş göndərilib.