Pele “Samsung”dan 30 milyon dollar tələb edir
Dünya şöhrətli braziliyalı futbolçu Pele Cənubi Koreyanın “Samsung” elektronika şirkətinə qarşı məhkəmə iddiası qaldırıb.
Novator.az xəbər verir ki, Pele “Samsung”u öz reklamında qanunsuz olaraq onun oxşarından istifadə etməkdə günahlandırır.
Martın əvvəllərində Pelenin adından məhkəməyə göndərilən ərizədə iddia olunur ki, “Samsung” televiziya reklamında onun oxşarından istifadə edib. Reklam 2015-ci ilin oktyabrında nümayiş olunub. Futbolçunun sözlərinə görə, reklamda onun adı birbaşa çəkilməsə də, nümayiş olunan qaradərili yaşlı adam onu xatırladır. Futbolçu iddia edir ki, bu reklam onun maraqlarına ziyan vura və istehlakçıları çaşdıra bilər.
Pele ona dəyən ziyana görə şirkətdən 30 milyon dollar həcmində təzminat tələb edir.
