Rusiyada yeni MSK sədri
Rusiya Mərkəzi Seçki Komissiyasına (MSK) yeni sədr seçilib. Bu, Ella Pamfilovadır.
Novator.az xəbər verir ki, Ella Panfilovanın namizədliyini MSK-nın 15 üzvündən 14-ü dəstəkləyib. Digər namizəd Sergrey Sirotkinin lehinə 1 nəfər səs verib.
MSK-nın əvvəlki sədri Vladimir Çurov idi.
Ella Pamfilova 1953-cü ildə Özbəkistanda doğulub. Ali təhsilini Moskvada alıb. Elektron texnikası üzrə mühəndisdir. Sovet dövründə ixtisası üzrə çalışıb, eyni zamanda həmin dövrdə və sonralar ictimai-siyasi fəaliyyətlə məşğul olub. 1991-1994-cü illərdə Rusiyanın əhalinin sosial müdafiəsi naziri, 1994-1999-cu illərdə Dövlət Dumasının deputatı, 2002-2004-cü illərdə Rusiya prezidenti yanında insan hüquqları komissiyasının sədri, 2004-2010-cu illərdə prezident yanında vətəndaş cəmiyyəti institutlarının inkişafı və insan hüquqları üzrə şuranın sədri, 2014-cü ildən MSK sədri seçilənədək insan hüquqları üzrə müvəkkil olub.
