İranda ilk dəfə qadın rayon başçısı təyin edilib
İran İslam Respublikasında ilk dəfə qadın rayon rəhbəri təyin olunub. Bu, Sədiqə Rabieyidir. O, Qəzvin əyalətinin Əlbürz rayonuna başçı təyin edilib.
Novator.az xəbər verir ki, Sədiqə Rabieyinin namizədliyini rayonun ondan əvvəlki rəhbəri irəli sürüb, əyalətin qubernatoru (ostandarı) isə bunu təsdiqləyərək təyinat haqda sərəncam imzalayıb.
Sədiqə Rabieyinin siyasi elmlər üzrə magistr dərəcəsi var. O, son təyinatadək Daxili İşlər Nazirliyinin Qəzvin əyalətindəki idarəsində çalışıb.
