AXCP sədrinin müşavirinə 3 il həbs verildi
Azərbaycan Xalq Cəbhəsi Partiyası (AXCP) sədrinin müşaviri Məmməd İbrahim 3 il müddətinə azadlıqdan məhrum edilib.
Qərar martın 15-də Nərimanov Rayon Məhkəməsində çıxarılıb.
Məmməd İbrahim ictimai qaydanın qorunması üzrə vəzifəni yerinə yetirən və ya ictimai qaydanın pozulmasının qarşısını alan hakimiyyət nümayəndəsinə və ya digər şəxsə müqavimət göstərməklə xuliqanlıq törətməkdə (Cinayət Məcəlləsinin 221.2.2-ci maddəsi) təqsirli bilinib.
Məmməd İbrahim və müdafiəçiləri bu işin qurama olduğunu, məhkəmənin siyasi sifarişlə aparıldığını iddia edirlər.
Məmməd İbrahim 2015-ci il sentyabrın 30-dan həbsdədir.
