Vizasız səfər reytinqi açıqlanıb
“The Henley & Partners” konsaltinq firması Viza Məhdudiyyətləri İndeksini açıqlayıb. Azadliq.org xəbər verir ki, indeksə görə, Almaniya vətəndaşlarının 177 ölkəyə vizasız səfər etmək imkanı var.
2006-cı ildən Beynəlxalq Hava Nəqliyyatı Assosiasiyasının məlumatları əsasında hazırlanan reytinqdə ikinci yeri İsveç tutur. İsveç vətəndaşları 176 ölkəyə vizasız səfər edə bilir.
Üçüncü yeri Finlandiya, Fransa, İtaliya, İspaniya və Böyük Britaniya bölüşürlər. Bu ölkələrin pasportları ilə 175 ölkəyə vizasız səfər etmək olur.
Reytinq cədvəlində 75-ci yeri tutan Azərbaycanın vətəndaşları 62 ölkəyə vizasız gedir. Ancaq Azadliq.org Wikipedia-ya istinadla bildirir ki, reallıqda Azərbaycan vətəndaşlarının vizasız səfər etdiyi ölkələrin sayı 29-dur.
