Manatda ucuzlaşma
Azərbaycan manatı martın 2-də əksər xarici valyutalar qarşısında dəyər itirib. Transparency.az bildirir ki, rəsmi kurs yalnız Belarus rublu və İran rialı qarşısında sabit qalıb, İsveç kronu, Ukrayna qrivnası, yapon yeninə nəzərən isə artıb.
Mərkəzi Bank martın 2-də ABŞ dollarının kursunu 1,5687 manatdan 1,5764 manata qaldırıb. Avronun satış kursu da yüksəlib. Martın 1-də kurs 1,7071 manat olub, bu gün isə rəsmi məzənnə 1,7117 manatdır.
Manat Rusiya rubluna nəzərən də ucuzlaşıb. 1 Rusiya rublu 0,0209 manatdan 0,0215 manata qalxıb.
