Dövlət Sosial Müdafiə Fondunun qeydiyyatında olanların sayı 0,96 faiz artıb
Martın 1-nə olan statistikaya əsasən, fevral ayı ərzində Dövlət Sosial Müdafiə Fondu 19 979 nəfərə fərdi şəxsi hesab açıb. Rəsmi məlumata görə, ilin əvvəli ilə müqayisədə fərdi uçot sistemində qeydiyyatda olan sığortaolunanların sayı 0,96 faiz artıb, 3 210 647 nəfərə yüksəlib.
DSMF-nin fərdi uçot sistemində qeydiyyatda olan sığortaolunanların 59,27 faizi kişi, 40,73 faizi qadındır.
Fərdi şəxsi hesabı olanlar arasında 30-40 yaş aralığında olan sığortaolunanlar üstünlük təşkil edir. Göstərilən yaş kateqoriyalarına aid olan şəxslər ümumi sığortaolunanların 25,13 faizidir.
Sığortaolunanların 20,99 faizi 30 yaşa kimi olan şəxslər, 20,31 faizi 40-50 yaş aralığında olan şəxslər, 21,13 faizi 50-60 yaş aralığında olan şəxslər, 12,42 faizi 60 yaşdan yuxarı olan şəxslərdir.
Поделиться “Dövlət Sosial Müdafiə Fondunun qeydiyyatında olanların sayı 0,96 faiz artıb”
