Əhalinin gəlirləri 12,1 faiz artıb
Dövlət Statistika Komitəsi əhalinin gəlirləri ilə bağlı hesabat yayıb. Transparency.az-ın məlumatına görə, hesabatda bildirilir ki, 2016-cı ilin yanvar ayında Azərbaycan əhalisinin gəlirləri əvvəlki ilin eyni dövrü ilə müqayisədə nominal ifadədə 12,1 faiz artaraq 3 milyard 80,6 milyon manata çatıb. Gəlirlərin əhalinin hər nəfərinə düşən həcmi isə 321,2 manat olub.
Bütün icbari və könüllü haqlar ödənildikdən sonra əhalinin sərəncamında 2 milyard 780,6 milyon manat və ya əhalinin hər nəfərinə orta hesabla 290 manat vəsait qalıb.
Başqa bir statistikaya görə, ilin ilk ayında ölkədə 4 milyard 11,2 milyon manatlıq ümumi daxili məhsul istehsal edilib, onun əhalinin hər nəfərinə düşən həcmi 418,3 manat və ya 264,5 ABŞ dolları olub.
