Butros Butros-Qali vəfat edib
BMT-nin sabiq baş katibi Butros Butros-Qali uzun sürən ağır xəstəlikdən sonra 93 yaşında Qahirədə vəfat edib.
1992-1996-cı illərdə Birləşmiş Millətlər Təşkilatının rəhbəri vəzifəsində çalışmış Butros Butros-Qali ərəb dövlətlərinin həmin vəzifəyə seçilmiş ilk nümayəndəsi olub.
AZƏRTAC-ın məlumatına görə, BMT-nin hazırkı baş katibi Pan Gi Mun Butros Butros-Qalinin vəfatı ilə bağlı xüsusi bəyanatla çıxış edərək bildirib ki, Butros Butros-Qali tarixin ən mürəkkəb dövrlərindən birində – soyuq müharibə dövrü başa çatandan sonra dünyanın kömək üçün BMT-yə müraciət etdiyi vaxtda bu təşkilata rəhbərlik edib: “Millətlər Birliyi sülhün və dünya nizamının möhkəmlənməsinə dəyərli töhfə vermiş parlaq liderin vəfatına görə kədərlənir”.
