Hüquq müdafiəçisi bəraət ala bilmədi
Ali Məhkəmə fevralın 16-da İnsan Haqları Klubunun sədri Rəsul Cəfərovun şikayəti üzrə proses keçirib. Hüquq müdafiəçisi bəraət istəyib. APA-nın məlumatına görə, hakim Fərhad Kərimovun sədrlik etdiyi prosesdə şikayət təmin olunmayıb. Məhkəmə prosesində Rəsul Cəfərov özü də iştirak edib.
Rəsul Cəfərov 2014-cü il avqustun 2-dən həbsdədir. Ötən il aprelin 16-da hüquq müdafiəçisi Bakı Ağır Cinayətlər Məhkəməsinin hökmü ilə 6 il 6 ay müddətinə azadlıqdan məhrum edilib. O, qanunsuz sahibkarlıq, vergidən yayınma, vəzifə səlahiyyətlərini aşma, mənimsəmədə təqsirli bilinib. İyulun 31-də Bakı Apellyasiya Məhkəməsi Rəsul Cəfərovun cəzasını 3 ay azaldaraq 6 il 3 aya endirib.Поделиться “Hüquq müdafiəçisi bəraət ala bilmədi”
