Azərbaycanın hərbi qulluqçusu şəhid olub
Fevralın 10-da düşmən təxribatı nəticəsində Azərbaycanın hərbi qulluqçusu Quliyev Rahib Nəriman oğlu şəhid olub. Xəbəri Müdafiə Nazirliyinin mətbuat xidməti yayıb.
Xəbərdə Müdafiə Nazirliyi rəhbərliyinin şəhidin yaxınlarına və əzizlərinə dərin hüznlə başsağlığı verdiyi və səbir dilədiyi bildirilir.
Ermənistan 22 ildən çoxdur Azərbaycanın bütün cənub-qərbini (Dağlıq Qarabağ bölgəsini və Laçın, Kəlbəcər, Qubadlı, Zəngilan, Cəbrayıl, Füzuli, Ağdam rayonlarını) işğal altında saxlayır. İndiyəcən aparılmış sülh danışıqları heç bir nəticə verməyib.
